Sport24.az
Səudiyyə Ərəbistanının yüksək divizionuna yüksələn NEOM Fransanın gənclərdən ibarət komandasının və "Nant"ın müdafiəçisi Natan Zezeni transfer edib. Bu barədə klubun mətbuat xidməti məlumat yayıb.
Səudiyyə klubu 20 yaşlı fransız üçün 20 milyon avro ödəyib. Bu da "Nant"ın tarixində ən bahalı satış kimi tarixə düşüb.
Bundan əvvəl Fransa klubunun tarixində ən bahalı satış hücumçu Emiliano Salanın 17 milyon avroya "Kardiff Siti"yə transferi olub.
Qeyd edək ki, Zeze 2024/25 mövsümündə "Nant"ın əsas komandasında 19 oyun keçirib və 6 sarı vərəqə alıb. O, gənclər arasında təşkil olunan Avro-2025-də bir oyuna çıxıb və bir qol vurub (Polşaya qarşı - 4:1).
