Sport24.az
"Napoli"nin belçikalı futbolçusu Romelu Lukakunun zədəsi sağalıb. Sport24.az xəbər verir ki, bu barədə "Pazzi di Fanta" nəşri məlumat yayıb.
Artıq bir neçə aydır ki, yaşıl meydanlardan uzaq qalan təcrübəli hücumçunun komanda ilə məşqlərə qoşulduğu bildirilir. Məlumata görə, Lukakunun A Seriyasının 15-ci turu çərçivəsində "Udineze" ilə keçiriləcək qarşılaşmada meydana çıxması gözlənilir.
Qeyd edək ki, avqust ayında zədələnən Lukaku 2025/2026 mövsümündə hələ heç bir rəsmi oyunda iştirak etməyib. 2024-cü ilin yayında kluba qoşulan forvard ümumilikdə Neapol təmsilçisinin heyətində 38 matça çıxıb, 14 qol və 11 məhsuldar ötürmə müəllifi olub.
