Sport24.az
"Napoli" PSV-nin cinah oyunçusu Noa Lanqı heyətinə qatacaq. Sport24.az xəbər verir ki, bu barədə insayder Fabrisio Romano sosial şəbəkə hesabında paylaşım edib.
Mənbənin sözlərinə görə, klublar müqavilənin şərtlərini artıq razılaşdırıblar. Neapollular 26 yaşlı niderlandlı üçün 28 milyon avro ödəyəcək. O, yaxın günlərdə tibbi müayinədən keçəcək.
Qeyd edək ki, Lanq 2023-cü ilin yayından PSV-nin formasını geyinir. O, bu müddətdə bütün tunirlərdə 63 oyun keçirib, 19 qol vurub və 14 məhsuldar ötürmə edib.
