Report.az
İtaliyanın "Napoli" klubu İngiltərə təmsilçiləri "Mançester Siti"nin yarımmüdafiəçisi Cek Qriliş və ya "Mançester Yunayted"in futbolçusu Alexandro Qarnaçonu transfer etməyi planlaşdırıb.
"Report" "The Sun"a istinadən xəbər verir ki, sözügedən futbolçulardan birinin A Seriyası təmsilçisinə transferi üçün 53 milyon avro ayrılıb.
Neapol klubu bu yay 29 yaşlı Qrilişi heyətinə qatmağa üstünlük verir. 20 yaşlı Qarnaço ilə müqavilənin isə uzunmüddətli perspektiv üçün daha yaxşı olduğu bildirilib.
Qeyd edək ki, C.Qriliş 2024/2025 mövsümündə "Mançester Siti" nin heyətində meydana çıxdığı 32 matçda 3 qola, 5 məhsuldar ötürməyə imza atıb. Onun klubla müqaviləsinin müddəti 2027-ci ilin yayına qədərdir. "Transfermarkt" portalı yarımmüdafiəçinin transfer dəyərini 28 milyon avro qiymətləndirir.
A.Qarnaço isə "Mançester Yunayted"in heyətində 58 matçda 11 qol və 10 məhsuldar ötürmə ilə yadda qalıb. Onun klubla müqaviləsinin müddəti 2028-ci ilin yayında bitəcək. Yarımmüdafiəçi 45 milyon avro dəyərində qiymətləndirir.
