Sport24.az
"Napoli" "Mançester Yunayted"in 20 yaşlı yarımmüdafiəçisi Kobbi Mainanı yanvarda icarəyə götürməyi planlaşdırır. Sport24.az xəbər verir ki, bu barədə "La Gazzetta dello Sport" məlumat yayıb.
Mənbənin sözlərinə görə, futbolçu az şans qazanmasından narazıdır və Tomas Tuxelin baş məşqçisi olduğu İngiltərə yığması ilə dünya çempionatına yollanmaq üçün özünü sübut etmək istəyir.
Daha əvvəl xəbər verildiyi kimi, Madrid "Real"ı və Madrid "Atletiko"su da Mainanı yaından izləyir.
Qeyd edək ki, yarımmüdafiəçi cari mövsümdə "Mançester Yunayted"in heyətində bütün turnirlərdə 5 matçda meydana çıxıb və bir məhsuldar ötürmə edib. Mainanın klubla hazırkı müqaviləsi 2027-ci ilin yayına kimi nəzərdə tutulub.Transfermarkt portalının məlumatına görə, onun bazar dəyəri 50 milyon avrodur.
