Report.az
İtaliyanın "Napoli" klubu İspaniya təmsilçisi "Jirona"nın futbolçusu Migel Qutyerresi transfer etməyə yaxındır.
"Report" "Marca" nəşrinə istinadən xəbər verir ki, A Seriyasının qalibinin 23 yaşlı müdafiəçisi üçün qarşı tərəfə 30 milyon avro ödəyəcəyi gözlənilir.
Müqavilədəki bəndə əsasən, oyunçu 35 milyon avro qarşılığında sərbəst qala bilər.
Bundan əlavə, oyunçunun hüquqlarının 50 faizi İspaniyanın digər klubu "Real"a məxsusdur.
Qeyd edək ki, Migel Qutyerres ötən mövsüm "Jirona"da 36 oyun keçirib, 2 qol vurub və 6 məhsuldar ötürmə ilə yadda qalıb.
