Sport24.az
"Liverpul"un hücumçusu Darvin Nunes "Napoli" ilə şəxsi müqavilənin şərtlərini razılaşdırıb. Sport24.az xəbər verir ki, bu barədə insayder Nikolo Skira sosial şəbəkə hesabında paylaşım edib.
Mənbənin sözlərinə görə, forvard 5 milyon avro maaşla 2030-cu ilə qədər müqavilə imzalayıb. Qeyd olunur ki, İtaliya klubu futbolçunun transferi ilə bağlı "Liverpul"la danışıqları davam etdirir. Nunes özü Avropada qalmaq istədiyi üçün Səudiyyə Ərəbistanından gələn bir neçə təklifi rədd edib.
İngilis klubu 50 milyon qarşılığında futbolçu ilə ayrılmağa hazırdır. Neapollular isə 43 milyon avro qiymətdə israrlıdırlar.
Qeyd edək ki, 26 yaşlı uruqvaylı 2024/25 mövsümündə bütün turnirlərdə 47 oyun keçirib, 7 qol vurub və 7 məhsuldar ötürmə edib.
