Sport24.az
"Napoli" rəhbərliyi Antonio Kontenin klubdan ayrılacağı təqdirdə onu kiminlə əvəzləyəciyini müəyyənləşdirib. Sport24.az xəbər verir ki, bu barədə jurnalist Paskuale Quarro sosial şəbəkə hesabında paylaşım edib.
Mənbənin sözlərinə görə, rəsmilər artıq Tiaqo Motta ilə əlaqə saxlayıb:
"Antonio Kontenin bazar ertəsi Napoliyə qayıtması ciddi şübhə altındadır. İki tərəf arasındakı münasibətlər son günlərdə olduğu kimi gərgin olaraq qalır. De Laurentis heç bir təzminat ödəmək istəmir. Prezident baş məşqçiyə aydın şəkildə bildirib ki, vida məsələsi olsa, istefa qərarını o, verməlidir.
Bu arada, "Napoli" artıq Tiaqo Motta ilə əlaqə saxlayıb".
Qeyd edək ki, Konte komandasının 11-ci turda "Bolonya"ya 0:2 hesablı məğlubiyyətindən sonra bir həftəlik istirahətə çıxıb. 56 yaşlı mütəxəssisin bu gün düşərgəyə qayıtması gözlənilir. Hələlik komandanın məşqlərinə onun köməkçisi Kristian Stellini rəhbərlik edir.
"Napoli" hazırda liqada dördüncü yerdədir və lider "İnter"dən iki xal geri qalır.
