Sport24.az
"Uzun zamandan sonra milli komanda bir araya gəlir. Toplanışda birinci dəfə dəvət olunan futbolçular olacaq".
Bu sözləri Sport24.az- açıqlamasında Azərbaycan millisinin veteran forvardı Nadir Nəbiyev deyib.
Millimizin qarşıdakı Belarus və Haiti ilə yoldaşlıq oyunları ilə bağlı fikirlərini bölüşən Nəbiyev milli komandamızdan qələbə gözlədiyini açıqlayıb:
"Bəzi futbolçular üçün yaxşı imkan düşüb ki, özlərini göstərib, yığmaya daimi dəvət olunsunlar. Belarus və Haiti milliləri yığmamıza uyğun komandalardır. Ümid edirəm dəvət olunan oyunçular hamısı oynamayaq şansı qazanar. Yoxlama görüşündə nəticə önəmli olmasa da, hər-halda millimizdən qələbə gözləyirəm".
Qeyd edək ki, Fernandu Santuşun rəhbərlik etdiyi milli martın 22-də Sumqayıtda Haiti, 25-də isə Masazırda Belarus yığması ilə qarşılaşacaq.
