Sport24.az
"Turan"nın sabiq baş məşqçisi Naci Şensoy DÇ-2026-nın seçmə mərhələsində keçirilmiş Azərbaycan - Ukrayna oyunu ilə bağlı paylaşım edib.
Sport24.az xəbər verir ki, 67 yaşlı mütəxəssis bu barədə sosial şəbəkə hesabında yazıb.
O, AFFA-ya müraciət də ünvanlayıb:
"Turan"dakı keçmiş futbolçum Ayxan Abbasovu təbrik edirəm. AFFA-ya bir məsləhətim var. Yeni bir xarici macərasına düşməsinlər. Ayxana inansınlar və onu sonadək dəstəkləsinlər".
Qeyd edək ki, Azərbaycan millisi müvəqqəti baş məşqçi Ayxan Abbasovun rəhbərliyi altında Ukrayna ilə heç-heçə edib - 1:1. Komanda sentyabrın 5-də portuqaliyalı mütəxəssisin dönəmində İslandiyaya səfərdə beş cavabsız qolla uduzub.
