Sport24.az
"Mançester Yunayted"in mərkəz hücumçusu Rasmus Hoylundun komandanı tərk edə biləcəyi bildirilir. Sport24.az xəbər verir ki, "Gazzetta dello Sport"un məlumatına görə, "qırmızı şeytanlar"ın rəhbərliyi 22 yaşlı danimarkalı oyunçuya 60 milyon avro təklif ediləcəyi təqdirdə onu göndərməyə hazırdır.
Daha əvvəl Avropanın üç klubunun Hoylundla maraqlandığı və futbolçunun nümayəndələrinin transfer üzərində çalışdığı bildirilirdi.
Bu mövsüm bütün turnirlərdə 39 oyuna çıxan hücumçu 8 qol vurub və 2 asist edib.
Xatırladaq ki, Rasmus 2023-cü ildə "Mançester Yunayted"ə transfer olunub. Hücumçunun klubla müqaviləsi 2027/28 mövsümünün sonuna kimidir.
