Idman.biz
"Karvan-Yevlax"a qarşı matç çətin alındı. Şamaxı şəhər stadionunda oynamaq həqiqətən də çətindir. Üstəlik, hava da isti, meydança quru olur. Nə qədər çətin olsa da, sonda qələbə qazanmağı bacardıq. Bəlkə də oyun tam olaraq istədiyimiz kimi deyildi. Lakin vacib olan qalibiyyət idi".
İdman.biz xəbər verir ki, bu sözləri Sportal.az saytına açıqlamasında "Qarabağ"ın hücumçusu Musa Qurbanlı deyib.
O, komandasının Çempionlar Liqasının liqa mərhələsindəki rəqiblərindən və şanslarından da bəhs edib: "Çempionlar Liqasındakı səviyyəni hamımız bilirik, səviyyə də göz qabağındadır. Hamısı çətin rəqiblərdir. Bu turnirdə dünyanın ən böyük klubları yer alıb. Biz də çalışacağıq ki, mübarizə aparaq, yaxşı oyun göstərək, mümkün qədər xallar toplayaq. Hər halda, Çempionlar Liqasında oynamaq hər bir futbolçunun arzusudur".
Milli komandaya da dəvət edilən Qurbanlı, qarşıdakı İslandiya və Ukrayna ilə görüşlərdən gözləntilərini də bölüşüb: "Həm İslandiya, həm də Ukrayna çətin komandalardır. Onlara qarşı asan olmayacaq, çətin olacaq. Amma xallar üçün vuruşacağıq. Sona qədər mübarizə aparacağıq".
İdman.biz
