Idman.biz
"Qarabağ"ın hücumçusu Musa Qurbanlı Çempionlar Liqasının 1-ci turunun "Benfika"ya qarşı keçiriləcək matçından gözləntilərini açıqlayıb.
İdman.biz bu barədə Sportal.az-a istinadən bildirir.
Forvard Portuqaliyada keçiriləcək görüşdə xal qazanmaq üçün döyüşəcəklərini deyib:
"Çempionlar Liqasında səviyyəni özünüz bilirsiz. Xüsusən də "Benfika" kimi komanda ilə səfərdə oynayacağıq. Təqvimdə ilk görüşümüzdür. Bizim üçün yaxşı təcrübə olacaq. İlk oyun olduğuna görə, tempi tutacağıq. Xal qazanmaq üçün döyüşəcəyik. Bu cür böyük oyunlardan əvvəl istər-istəməz xoş və yaxşı mənada həyəcan olur. Bu da normaldır", - Qurbanlı deyib.
"Benfika" – "Qarabağ" oyunu bu gün sentyabrın 16-da "Estadio da Luz" stadionunda keçiriləcək və Bakı vaxtı ilə saat 23:00-da başlayacaq.
İdman.biz
