Idman.biz
"Neftçi"nin yeni transferi Murad Xaçayev Sportal.az saytına açıqlama verib.
İdman.biz Sportal.az-a istinadən xəbər verir ki, o, "ağ-qaralar"la müqavilə imzalamasından bəhs edib.
Xaçayev bildirib ki, mövsüm başa çatdıqdan sonra "Neftçi" ona təklif göndərib: "Danışıqlar getdi. Sonda da razılıq əldə olundu və "Neftçi" ilə müqavilə imzaladım. "Neftçi" "flaqman"dır, böyük tarixi olan klubdur. "Neftçi"nin mənimlə maraqlandığını bildikdən sonra prioritetim bu kluba keçmək oldu. Transferin reallaşmasına görə şadam".
Murad komandanın məşqlərindən də söhbət açıb: "Məşqlərimiz davam edir. Artıq neçə gündür ki, komanda ilə birlikdəyəm. Uşaqlar da məni yaxşı qəbul etdi, atmosfer super idi. Yeni mövsümə hazırlaşırıq".
Qeyd edək ki, "Neftçi" 27 yaşlı müdafiəçi ilə 2 illik müqavilə imzalayıb.
