Sport24.az
"Sumqayıt""n futbolçusu Murad Xaçayev Sport24.az-a müsahibə verib. Müdafiəçi "Şamaxı"ya məğlub olduqları oyunsan danışmaqla yanaşı, bizi maraqlandıran başqaq sualları da cavablandırıb.
- Öncə "Şamaxı"ya məğlub olduğunuz oyunla bağlı fikirlərini bölüşməyini istərdik...
- Məğlub olmuşuqsa, deməli, yaxşı çıxış etməmişik. Yaxaladığımız qol imkanlarımızı boşa verdik. Meydan sahibləri isə özünə lazım olan qolu vurub müdafiəyəyə çəkildilər.
- Şamaxı səfərindən uğurlu nəticə ilə dönməyinizə nə mane oldu?
- Düşünürəm ki, bir qədər daha soyuqanlı oynamalı və qol imkanlarından maksimum istifadə etməli idik. Qeyd etdiyim bu nüanslara görə də uğur qazana bilmədik.
- Rəqib müdafiənizi rahatlıqla yarırdı. Müdafiənin mərkəzində belə zəif çıxışın səbəbi nədir?
- Zəif deməzdim. Sadəcə, rəqib erkən qol vurandan sonra bir qədər psixoloji üstünlüyü ələ aldı. Nə qədər də olmasa onlar evdə oynayırdılar və daha aqressiv idilər. Fasilədən sonra meydanın mərkəzində ağırlığımızı qoyduq, yaxşı hücumlar qurduq. Təəssüf ki, realizə baxımdan axsadıq. Hücuma tez-tez çıxanda istər-istəməz müdafiədə müəyyən boşluqlar əmələ gəlir. Buna baxmayaraq, müdafiədə ciddi problemimizin olduğunu, deməzdim. Və ən əsası bəxtimiz də gətirmir. Belə ki, geridə qalan 6 oyunumuza baxsaz buraxdığımız ən xırda səhvlərdən də rəqib maksimum istifadə edərək qapımıza yol tapıb. Bəsit səhvlərə görə cəzalanırıq, xal qazana bilmirik.
- Bu cür qeyri-sabit çıxış psixoloji baxından qarşıdakı turlarda komandaya necə təsir edəcək?
- Səhvlərimizin üzərində çalışmalıyıq. Əlbəttə ki, məğlub olan komandanın düşərgəsində ab-hava da pozulur. Məncə, ruhdan düşmək lazım deyil. Çalışacağıq ki, qarşıdakı turlarda azarkeşlərimizi sevindirək.
ABDULLA İSMAYILOĞLU
