Sport24.az
2024/25 mövsümündə "Krasnodar"ı Rusiya çempionu edən Murad Musayev "Sport-ekspress"ə geniş müsahibə verib. Sport24.az xəbər verir ki, 41 yaşlı mütəxəssis "Sabah"da çalışdığı dönəmi də yada salıb:
"Azərbaycana gedəndə biz orada çoxlu yeni şeylər sınamağa başladıq. Yeni ideyalar, emosiyalar, əla nəticələr ortaya çıxdı. Mən o vaxt yeni, indi ölkənin ən böyüklərindən olan, Vasili Berezutski ilə kuboku qazandıqdan sonra üçüncü dəfə avrokuboklarda çıxış edəcək klubda gördüyüm işlərlə fəxr edirəm.
"Sabah"ın "sükanı arxasına" keçəndə komanda sonuncu yerdə idi. Mövsümü 5-ci pillədə başa vursaq da, bizim gəlişimizdən sonra topladığı xallara görə komanda ikinci oldu. Növbəti mövsümdə isə hibrid sxemlərlə gözəl futbol oynayaraq artıq "gümüş" qazandıq. Çox çətinliklərdən keçməli olduq".
Qeyd edək ki, Musayev 2021-24-cü illər aralığında "Sabah"ı çalışdırıb. "Bayquşlar" onun rəhbərliyi altında meydana çıxdığı 84 rəsmi oyundan 48-də qalib gəlib, 23-də məğlub olub. 16 qarşılaşmada "sülh" bağlayıb.
