Idman.biz
Rusiyalı məşqçi Murad Musayev Azərbaycanın "Sabah" klubunda gördüyü işlərlə fəxr etdiyini bildirib.
İdman.biz xəbər verir ki, "Krasnodar"a tarixində ilk dəfə Rusiya çempionluğunu qazandıran mütəxəssis ölkəmizdəki fəaliyyətində də danışıb.
Musayev "Sport-Ekspress"ə müsahibəsində "Sabah"dakı işini belə xatırlayıb: "Azərbaycana gedəndə orada çoxlu yeni şeylər sınamağa başladıq, təzə ideyalar, emosiyalar, əla nəticələr var idi. O vaxt yeni olan klubdakı fəaliyyətimlə fəxr edirəm. İndi o, ölkədə böyük sayılacaq klubdur. Vasili Berezutski ilə ölkə kubokunu qazandıqdan sonra üçüncü dəfə avrokuboklarda çıxış edəcəklər.
O vaxt isə "Sabah" turnir cədvəlində sonuncu pillədə idi, və mövsümün yekununda biz beşinci yeri tutduq. Növbəti mövsümdə isə gözəl futbol, hibrid sxemlərlə oynayaraq artıq gümüş mükafatçı olduq. Bütün bunlardan keçmək lazım idi – çətinliklər, şübhələr. 'Krasnodar'a qayıdış da heç asan olmadı. Uğura çatmaq üçün bütün bu mərhələləri adlamaq vacib idi".
İdman.biz
