Sport24.az
"Qış fasiləsindən sonrakı ilk oyunumuzda qələbə qazana bilməmişdik. "Difai" ilə oyun isə ağır keçdi. Rəqib müdafiədə çox diqqətli oynadı. Şükür ki, sonda müdafiə xəttini yararaq qol vurub, qələbə qazandıq". Bu sözləri Sport24.az-a açıqlamasında "Qəbələ"nin futbolçusu Murad Musayev ötən gün "Difai"yə qarşı qalib gəldikləri oyundan sonra deyib.
Təcrübəli müdafiəçi "qırımızı-qaralar"ın cari mövsümdə qapılarında qol görmədiklərinə münasibət bildirməklə yanaşı, məqsədlərinin yenidən Premyer Liqaya qayıtmaq olduğunu da vurğulayıb.
"Oyuna çıxmamışdan öncə fikirləşmirik ki, mütləq qol buraxmamalıyıq. Futbolda hər nəticə ola bilir. Bəzən qol buraxırsan, bəzən yox. Təbii ki, 13 tur qapımızda qol görməmək bizim üçün yaxşı nəticədir. Əsas məqsədimiz yenidən Premyer Liqaya qayıtmaqdır".
Qeyd edək ki, "Qəbələ" 13-cü turt çərçivəsində dünən keçirilən matçda səfərdə "Difai"ni minimal hesabla üstələyib - 1:0
