Sport24.az
İspaniyanın "Mundo Deportivo" saytı "Qarabağ"ın UEFA Çempionlar Liqasının pley-off mərhələsində bu gün keçirəcəyi oyun haqqında yazı hazırlayıb. Sport24.az xəbər verir ki, məşhur nəşr "köhlən atlar"ın Bakıda İngiltərənin "Nyukasl" komandasına qarşı keçirəcəyi matça xüsusi diqqəy ayırıb.
Yazının başlığında "Qarabağ" qeyri-sabit "Nyukasl"a qarşısında qələbə arzusunda" yazılıb.
"Qarabağ" tarixdə ilk dəfə UEFA Çempionlar Liqasının pley-off mərhələsinə yüksələn Azərbaycan klubudur. Favorit olmasalar da, yerli çempionatda çətinlik çəksələr də, Liqa mərhələsinin son turunda PSJ ilə heç-heçə edən komanda qarşısında qələbə arzusundadırlar. Onlar son dörd oyunun üçündə qələbə qazanıblar və yaxşı formadadırlar. Premyer Liqadakı son turda "İmişli"ni məğlub etsələr də, hələlik lider deyillər".
Nəşr Azərbaycan təmsilçisinin İngiltərə komandaları ilə indiyədək 9 dəfə üz-üzə gəldiyini xatırladıb:
"Bunların yalnız birində heç-heçə ediblər, 8 görüşdə məğlub olublar. Həmin bərabərlik isə bu mövsüm "Çelsi" ilə matçda qeydə alınıb - 2:2.
Qeyd edək ki, qarşılaşma saat 21:45-də start götürəcək.
