Lent.az
Mozambikdə gənc futbolçu məşq zamanı timsahın hücumuna məruz qalıb.
Lent.az "Daily Sun"a istinadla xəbər verir ki, ikinci divizionda yer alan "Atletiko Mineiro de Tete" klubunun 19 yaşlı oyunçusu Estevao Alberto Cino Zambezi çayının sahilində məşq edərkən ölüb.
Futbol komandasının baş məşqçisi Eduardo Karvalyonun dediyi kimi, 19 iyun 2025-ci il, cümə axşamı axşam Cino qaçışını bitirdikdən sonra suya yaxınlaşıb və bu anda timsahın hücumuna məruz qalıb. Şahidlər iddia edirlər ki, sürünənlərin uzunluğu təxminən beş metr olub. Təəssüf ki, yoldaşları gəncə kömək edə bilməyiblər.
Zambezi çayı bölgəsində timsah hücumları olduqca geniş yayılıb. Yerli polis sözçüsü Leonel Mucina hadisəni təsdiqləyərək idmançının cəsədinin hələ də tapılmadığını qeyd edib.
