Idman.biz
"Benfika"nın baş məşqçisi Joze Mourinyo şans veriləcəyi təqdirdə "Yuventus"u çalışdıra biləcəyini etiraf edib.
İdman.Biz bildirir ki, portuqaliyalı məşqçi bu açıqlamanı komandasının Çempionlar Liqasının yeddinci turunda "qoca sinyora"ya 2:0 hesabı ilə məğlub olmasından sonra verib.
"Dünyanın ən yaxşı klublarını təcrübəsiz məşqçilər idarə etməsi məni təəccübləndirir. Eyni zamanda, "Milan"da Alleqri, "Roma"da Qasperini və ya "Yuventus"da Spalletti haqqında düşünəndə bu, məni heç vaxt təəccübləndirmir", - deyə AS Mourinyodan sitat gətirir.
Portuqaliyalı məşqçi 2025-ci ilin sentyabr ayından bəri "Benfika"ya rəhbərlik edir. Çempionlar Liqasının yeddi oyunundan sonra Lissabon komandasının altı xalı var və 29-cu yerdədir.
