Sport24.az
"Fənərbaxça" klubunun baş məşqçisi Joze Mourinyo komandanın yeni futbolçusu, "Əl-Nəsr"dən icarə əsasında İstanbula keçən kolumbiyalı hücumçu Con Duranın davranışdan narazı qalıb. Sport24.az "Marca"ya istinadən xəbər verir ki, kolumbiyalının "Fənərbağça"da ilk məşqinə çıxmamaması portuqaliyalı mütəxəssisi özündən çıxarıb:
"Bu, hörmətsizlikdir. Hamıya bəlli qaydalar var və buna əməl etməyənlər cəzalanacaq. Onunla danışacağıq... Əgər o, əlbəttə ki, ortaya çıxsa".
Qeyd edək ki, 21 yaşlı kolumbiyalı 2025-ci ilin yanvarında 77 milyon qarşılığında "Aston Villa"dan Səudiyyə Ərəbistanının "Əl Nəsr" klubuna transfer olunub. Onun Səudiyyə Ərəbistanında illik maaşı 18,8 milyon avrodur. Duran ötən mövsüm Pro Liqada 13 matçda 8 qol vurub.
