Lent.az
"Benfika"nın baş məşqçisi Joze Mourinyo və komandanın bir neçə futbolçusu Portuqaliya çempionatında "Portu" ilə oyundan əvvəl virus infeksiyasına yoluxublar.
Lent.az xəbər verir ki, oyun oktyabr 5-də keçirilməlidir. Yaxın vaxtlarda onun baş tutub-tutmayacağı məlum olacaq. Qaydalara görə, əgər komandada qapıçı da daxil olmaqla minimum 13 sağlam futbolçu qalmazsa, görüş təxirə salına bilər.
"Benfika"da hələ ki, oyunun təxirə salınması variantı nəzərdən keçirilmir, klubda vəziyyətin nəzarət altında olduğu bildirilir. Rəsmi təxirəsalma üçün səhiyyə orqanlarının tibbi təsdiqi tələb olunur.
Xatırladaq ki, Mourinyo 18 sentyabrda "Benfika"nın baş məşqçisi təyin olunub. Komanda hazırda 17 xalla Portuqaliya çempionatında üçüncü yerdə qərarlaşıb.
