Idman.biz
SSRİ və Rusiya millisinin sabiq futbolçusu Aleksandr Mostovoy Çempionlar Liqasında keçiriləcək "Sportinq" - "Kayrat" matçı haqda danışıb.
İdman.biz bildirir ki, qarşılaşma sabah, sentyabrın 18-də baş tutacaq.
"Kayrat" üçün Çempionlar Liqasında "Sportinq"lə matç tarixdir. Onların "Sportinq"ə üstün gəlməkdə çətinlik çəkəcəkləri aydındır, lakin onların heyətində əcnəbi oyunçular var. Qarşılaşmadan əvvəl "Qarabağ"dan yaxşı nümunə götürmək lazımdır. Şübhəsiz ki, bütün oyunçular Çempionlar Liqasının dünənki oyununu izləyiblər. Bəziləri yəqin ki, "Niyə biz də belə olmayaq?" deyə düşünür.
"Kayrat"ın mikroüstünlüyü onda olacaq ki, böyük klublar arxayınlığa görə oyuna lazımi dərəcədə konsentrasiya olmaya bilərlər. Bu məsələdən istifadə etmək olar. Əgər bu alınmasa, heç kim "Kayrat"ın oyunçularını qınamayacaq – onlar artıq tarix yazıblar", – Mostovoy "Çempionat"a deyib.
Azərbaycanın "Qarabağ" klubu Çempionlar Liqasının ümumi mərhələsi çərçivəsində səfərdə Portuqaliya "Benfika"sına 3:2 hesabı ilə qalib gəlib.
İdman.biz
