Idman.biz
Moskvada müsəlmanların futbol liqası yaradılıb.
"Umma League" Moskvada müsəlman ruhani idarələrinin müxtəlif komandalarını və turnirlərini vahid dini layihə formatında birləşdirmək üçün təsis edilib. Rusiya paytaxtı üçün müsəlman futbol liqasını yaratmışıq.
Bütün iştirakçıların liqanın qaydalarına, məsələn, xüsusi dress-koda (bədənin müəyyən hissələrinin göstərilməsi qadağandır – red.) riayət etməsi vacibdir. Söyüş də qadağandır - buna görə oyunçu xəbərdarlıq və ya bir neçə oyunluq diskvalifikasiya alacaq", - liqanın rəhbəri Rinat Kayumov bildirib.
Kayumov dəqiqləşdirib ki, hazırda 14 komandanın daxil olduğu qurumun rəsmi qeydiyyat prosesi davam edir. Liqada müsəlmanlarla yanaşı, digər dinlərin nümayəndələri də var. Layihədə yalnız həvəskarlar iştirak edir. Peşəkar futbolçuların oyunlarda iştirakına icazə verilmir, lakin onlar qonaq, məsləhətçi və ya məşqçi kimi iştirak edə bilərlər.
Liqanın rəhbəri onu da bildirib ki, layihəyə Rusiya çempionatında iştirak edən komandaların müsəlman olan peşəkar futbolçuları da dəstək verib.
