Sport24.az
Türkiyə millisinin baş məşqçisi Vinçenzo Montella Millətlər Liqasının 3-cü turunda Monteneqroya 1:0 hesabı ilə qalib gəldikləri matçdan danışıb. Sport24.az xəbər verir ki, mütəxəssis komandasından razı qaldığını deyib:
"Bu, bizim üçün bir yetkinlik sınağı idi. İlk hissədə qollar vura bilərdik, amma vurmadıq. Yetkinlik sınağından keçəndə qol da vurduq, üstəlik, qol buraxmadıq. Qapıya 29 zərbə endirmişik. Bu bir rekorddur. Komandamı bəyəndim. Millətlər Liqasının B Liqasındakı ən gənc komanda bizik. Matçdan əvvəl iclas keçirdim və futbolçulara tələsməməli olduğumuzu dedim. Belə görüşlər 70-ci dəqiqədən sonra tam fərqli bir matça çevrilir. Yaxşı oynadıq. Dominant tərəf biz idik. Buna görə də xoşbəxtəm".
O, 4-cü turda İslandiyaya qarşı keçirəcəkləri oyunda rotasiyalar edəcəklərini bildirib: "3 gündən bir matça çıxanda futbolçuların hamısı fiziki gücünü toplaya bilmir. Uelslə matçdan sonra 5 futbolçu dəyişdirmişdik. İstər-istəməz dəyişikliklər etmək məcburiyyətində qalırsınız. Ümid edirəm ki, belə oyunlar gələcəkdə 4 gündən bir keçirilər. Bu, çox böyük fərq yaradacaq".
