Sport24.az
"Monako"nun baş məşqçisi Sebastyen Poqoknoli komandanın zədəli futbolçusu Pol Poqba ilə bağlı açıqlama verib. Sport24.az xəbər verir ki, "Monako" Poqbanın dönüşünü səbirsizliklə gözləsə də, yarımmüdafiəçinin yenidən forma geyinəcəyi tarixin hələlik qeyri-müəyyən olduğu görünür.
Belə ki, baş məşqçi 32 yaşlı yarımmüdafiəçinin qayıdışı ilə bağlı danışarkən ehtiyat edib. O, hadisələri qabaqlamaq istəmədiyini və futbolçunun tam hazır olduğu vaxt meydana çıxacağını bildirib.
Qeyd edək ki, oktyabrın sonlarında məşq zamanı zədələnən təcrübəli oyunçu hələ ki "Monako" forması ilə rəsmi matça çıxmayıb.
