Sport24.az
"Səbail" klubunun yeni transferi Momo Sako bir ildən sonra "Neftçi"yə keçəcək. Sport24.az xəbər verir ki, 23 yaşlı yarımmüdafiəçi bu barədə "Africafoot"a açıqlamasında məlumat verib.
O, "ağ-qaralar"da çıxış edən qardaşı Falaye Sako ilə oynamaq üçün səbirsizliklə gözlədiyini söyləyib:
"Əslində böyük qardaşım Sako kimi "Neftçi" ilə müqavilə imzalamışam. Məni "Səbail"ə birillik icarəyə veriblər. "Neftçi"yə keçməzdən əvvəl bu komanda ilə I Liqada çıxış edəcəyəm. "Neftçi" ilə böyük nailiyyətlər əldə etməyi səbirsizliklə gözləyirəm. Ölkənin ikinci ən uğurlu klubudur. Müntəzəm olaraq avrokuboklarda çıxış ediblər. Bütün çətinliklərin öhdəsindən gəlmək üçün çalışacağam. "Neftçi"də qardaşımla oynamaq mənim üçün böyük şərəf olardı. Çünki o, həmişə mənə yaxşı məsləhətlər verib".
Qeyd edək ki, "Səbail" Malidən olan oyunçu ilə birillik müqavilə bağladığını açıqlayıb.
