I Liqada mübarizə aparan MOİK oktyabrdan yeni ünvana köç etməyi planlaşdırır. Sport24.az-ın əldə etdiyi məlumata görə, ordu klubu hazırda ev oyunlarını keçiridiyi Lökbatan Olimpiya İdman Kompleksini paytaxtın başqa arenasına dəyişəcək.
Qəzənfər Abbasovun baş məşqçisi olduğu kollektiv gələn aydan ev oyunlarını "ASKO Arena"da keçirəcək. Artıq bununla bağlı "Səbail" rəhbərliyi ilə MOİK rəsmiləıri arasında razılıq əldə olunub.
Qeyd edək ki, ötən mövsüm hərbiçilər rəqiblərini Binə qəsəbəsindəki stadionda qəbul edirdi. Hazırda həmin arena təmirə bağlandığından MOİK Lökbatan üz tutmaq məcburiyyətində qalıb.