Idman.biz
Azərbaycan Birinci Liqasının 15-ci turu çərçivəsində keçirilən MOİK - "Səbail" qarşılaşması qalmaqallı epizodla yadda qalıb.
İdman.Biz xəbər verir ki, insident görüşün 60-cı dəqiqəsində meydan sahiblərinin futbolçusu Yusif Nəbiyev ilə baş məşqçi Adil Şükürov arasında baş verib.
Baş məşqçi futbolçunu əvəzləmək qərarı versə də, Y. Nəbiyev bu dəyişikliyə etiraz edib və meydanı tərk etməkdən imtina edərək oyunu davam etdirib.
Qeyd edək ki, qarşılaşma "Səbail"in minimal – 1:0 hesablı qələbəsi ilə başa çatıb.
