Sport24.az
"Oyunu penaltilərə daşımaq üçün gücdən əlavə təcrübəsizlik mane oldu. Futbolçularımdan razıyam. Yaxşı oynadılar, vuruşdular, meydanda canlarını qoydular". Bu sözləri Sport24.az-a açıqlamasında ölkə kubokunun 1/8 final mərhələsində "Sumqayıt"a məğlub olan MOİK-in baş məşqçisi Qəzənfər Abbasov deyib.
Gənc mütıəxəssis Premyer Liqa ilə Birinci Liqa komandalarının arasında olan fərqi də vurğulayıb: "
"Premyer Liqa və Birinci Liqa klubları arasında fərq var, amma böyük deyil. Fərq əsasən şəraitlə bağlıdı. Birinci Liqa komandalarının əksəriyyəti süni örtükdə məşq edir və oynayır. Biz kubokda "Sumqayıt"a qalib gəlmək istəyirdik amma şəraitimiz eyni deyil".
Abbasov oyunun hakimləri barədə bunları deyib:
"Hakimlikdən narazı qalmadım. 96-cı dəqiqədə futbolçumun qapıçı ilə üzbəüz qaldığı epizodda "Sumqayıt"ın müdafiəçisi onu yıxdı. Təkrara baxdım, cərimə zərbəsi idi. Hakim isə oyunu saxlamadı. Davamında isə rəqib qapımıza qol vurdu".
Qeyd edək ki, dünən keçirilən oyun "Sumqayıt"ın 3:1 hesablı qələbəsi ilə yekunlaşıb.
