Sport24.az
Yaxın vaxtlarda I Liqa klubunbda baş məşqçi dəyişikliyi ola bilər. Sport24.az-a bununla bağlı etibarlı mənbədən məlumat daxil olub.
Mənbəmizin məlumatına əsasən MOİK-in cari mövsümdeə uğursuz çıxışı, 4 oyundan sonra aktivinə cəmi 1 xal yazdırması klub rəhbərliyini narazı salıb. Ordu klubunun başbilənləri "hərbiçilər"in baş məşqçisi, eyni zamanda U-18 millisinin çalışdırıcısı İlham Yadullayevin işindən narazıdır. Ordu klubunun büdcəsi ötən mövsümlərlə müqayisədə xeyli artsa da (təxminən bir milyon manat), heyəti mövsümlərarası fasilədə yetərincə güclənsə də, komanda I Liqada autsayderlər arasında yer alıb ki, bu da rəsmiləri narazı salır.
Redaksiyamıza daxil olan bilgiyə əsasən, rəhbərlik artıq yeni baş məşqçi ilə bağlı axtarışlara başlayıb. Və namizədlər arasından Füzuli Məmmədova üstünlük verib. Məmmədovun MOİK-in son qarşılaşmasını tribunadan canlı izlədiyi də gəzən söz-söhbət arasındadır.
