Sport24.az
Luka Modriç "Milan"dakı ilk mövsümündə inamlı çıxışı ilə həm azarkeşlərin, həm də məşqçi heyətinin rəğbətini qazanıb. Mövsümün sonunda müqaviləsi başa çatacaq xorvatiyalı yarımmüdafiəçinin sözləşməsində bir illik uzatma seçimi var. Sport24.az xəbər verir ki, bu barədə "La Gazzetta Dello Sport" məlumat yayıb.
Mənbənin sözlərinə görə, "rossoneri"lərin baş məşqçisi Massimiliano Alleqri təcrübəli futbolçunu növbəti mövsümdə də komandada görmək istəyir. Modriç qalmaq qərarını verəcəyi təqdirdə, klubun icraçı direktoru Giorgio Furlani və idman direktoru İqli Tare onunla müqaviləni uzatmağa hazır olduqlarını bildiriblər.
Qeyd edək ki, Modriç 2025-ci ilin yayından "Milan"da cıxış edir. Təcrübəli oyunçu bu mövsüm "qırmızı-qaralar"ın heyətində meydana çıxdığı 28 rəsmi matçda 2 qol və 3 məhsuldar ötürmə ilə yadda qalıb.
