Lent.az
"Çelsi"nin ukraynalı hücumçusu Mixayıl Mudrik diskvalifikasiyadan sonra yaxın vaxtlarda meydana qayıda bilər.
Lent.az xəbər verir ki, "The Chelsea Forum" adlı fan-akkauntun məlumatına görə, futbolçuya tətbiq olunan cəzanın tezliklə ləğvi planlaşdırılır.
Bildirilir ki, Mudrik yenidən "mavilər"in heyətində oynayacaq. Klub daxilində artıq onun oyun formasını bərpa etməsi üçün mümkün variantlar müzakirə olunur. Seçimlərdən biri futbolçunun Fransanın
"Strazburq" klubuna icarəyə göndərilməsidir. Burada Mudrik oyun praktikası qazana və özünə inamını bərpa edə bilər. İcarə müddəti başa çatdıqdan sonra "Çelsi" rəhbərliyi onun gələcəyi ilə bağlı yekun qərar verəcək: heyətdə saxlanılacaq, yoxsa transferə çıxarılacaq.
Ötən mövsüm Mudrik klub səviyyəsində 15 oyunda iştirak edib, 3 qol vurub və 5 məhsuldar ötürmə ilə yadda qalıb. Daha əvvəl futbolçunun orqanizmində dopinq maddəsi aşkar edildiyi üçün o, müddətsiz olaraq futboldan kənarlaşdırılıb.
