Report.az
İngiltərənin "Çelsi" klubunun ukraynalı futbolçusu Mixail Mudrik antidopinq qaydalarını pozmaqda ittiham olunur və 4 ilə qədər diskvalifikasiya oluna bilər.
"Report" xəbər verir ki, bu barədə "The Telegraph" məlumat yayıb.
"Bəli, təsdiq edə bilərik ki, Mudrikə qadağan olunmuş maddənin saxlanması və ya istifadəsi ilə bağlı antidopinq qaydalarının pozulması ilə bağlı ittiham irəli sürülüb. Hazırda məsələ ilə bağlı əlavə şərh verə bilmərik", - deyə İngiltərə Futbol Assosiasiyası (FA) sözçüsü bildirib.
Ötən il dopinq testindən sonra 24 yaşlı oyunçunun qanında qadağan olunmuş maddə aşarlandığına görə "Çelsi"nin heyətində oyunlara çıxmasına icazə verilməyib.
Qeyd edək ki, Mudrik ötən mövsüm "zadəganlar"ın heyətində ümumilikdə bütün turnirlərdə 15 oyun keçirib, 3 qol vurub və 5 məhsuldar ötürmə edib.
