İdman.biz
Bu gün "Qarabağ" Avropa Liqasında Norveç səfərində "Bodo Qlimt"in qonağı olacaq.
İdman.biz xəbər verir ki, Rusiyanın Championat.com saytının eksperti Mixail Korobov oyunla bağlı ehtimallarını irəli sürüb.
O bildirib ki, "Bodo Qlimt"in çempionatda son vaxtlar uğursuz çıxışının səbəbi Avropa Liqasına köklənməsidir: "Bodo Qlimt"in daxili arenada lazımı oyunu göstərə bilməməsinin əsas səbəblərindən biri Avropa Liqasına yönəlmiş diqqətdir. Norveçlilər çox çətin matçda "Portu"nu (3:2) məğlub etdilər, "Union"la (0:0) heç-heçə oynadılar və "Braqa"nı (2:1) yendilər. "Qarabağ"da isə vəziyyət bir qədər fərqlidir. Komanda Azərbaycan çempionatında müntəzəm olaraq yaxşı nəticələr əldə edir, amma Avropa Liqasının ümumi mərhələsində bütün üç oyunda məğlubiyyətə uğrayıb. Əvvəlcə "Tottenhem"dən (0:3) ağır məğlubiyyət aldılar, sonra "Malmö" (1:2) və "Ayaks"a (0:3) uduzublar".
Korobov "Ayaks"la oyunda Julio Romao və Elvin Cəfərquliyevin qırmızı vərəqə almasını da xüsusi vurğulayıb: "Amsterdamlılara qarşı görüşdə komandanın iki aparıcı futbolçusu qırmızı vərəqə alıb. Hər ikisi növbəti oyunu diskvalifikasiyalar səbəbindən buraxacaq. Qurban Qurbanovun futbolçuların olmamasını keyfiyyət itkisi olmadan əvəz etmək imkanı yoxdur. Məşqçi resurslarla çox məhduddur. Onun komandasında müdafiədə Romao və Cəfərquliyev kimi etibarlısı yoxdur. Amma ağdamlılar oyunda bir və ya hətta iki qol vura bilərlər. Nəticə etibarilə, onlar yaxşı top vuran komandadırlar. "Bodo Qlimt"in növbəti oyunda qələbəsinə və ümumi top sayının 3 olması mümkündür. "Qarabağ"ın futbolçularının səviyyəsi "Portu" və "Braga" ilə müqayisədə çox aşağıdır. Əgər Portuqaliya klublarına "Bodo Qlimt" 5 qol vurubsa, "Qarabağ"a daha çox qol vurmaq daha asan olacaq".
Qeyd edək ki, "Bodo Qlimt" – "Qarabağ" görüşü saat 21:45-də başlayacaq.
İdman.biz
