Idman.biz
Lvovun "Karpatı" və "Minay" klubunun sabiq futbolçusu Mixail Kopolovets DÇ-2026-nın seçmə mərhələsində Azərbaycan və Ukrayna yığmaları arasında keçiriləcək oyunla bağlı fikirlərini bölüşüb
İdman.biz xəbər verir ki, ukraynalı mütəxəssis yığmaları üçün Azərbaycanı məğlub etməyin vacibliyini vurğulayıb.
Onon sözlərinə görə, Ukrayna millisi hansısa mövqelərə iddia etmək istəyirsə, birmənalı olaraq Azərbaycana qalib gəlməlidir: "Əgər bu komandaya qalib gəlməsək, burada ümumiyyətlə işimiz yoxdur. Bu obyektivdir. Başa düşürəm, indi hər kəs futbol oynayır, hər kəs öyrənib. Bizim futbolumuz hazırda yaxşı vəziyyətdə deyil, nəticələr göz qabağındadı. Amma meydana çıxıb oynamaq lazımdır. Düşünürəm ki, fransızlarla oyundan sonra uşaqlar açılacaq, baxmayaraq ki, asan olmayacaq. Amma qələbə qazanmaq lazımdır. Yalnız qələbə, əks halda, bizim ümumiyyətlə, burada işimiz yoxdur".
Qeyd edək ki, Azərbaycan - Ukrayna qarşılaşması sentyabrın 9-da Bakıda baş tutacaq.
İdman.biz
