Idman.biz
Misli Premyer Liqasında ən çox quru oyun keçirən qapıçılar bəlli olub.
İdman.biz xəbər verir ki, 2024/25 mövsümünün rekordçusu Aydın Bayramovdur.
"Zirə"nin qolkiperi çempionatın 17 oyununda qapısını toxunulmaz saxlayıb. O, 31 matçın 14-də qol buraxıb.
"Araz-Naxçıvan"ın moldovalı əlcək sahibi Kristian Avraam 16 quru oyun keçirib. O, çempionatda 34 qarşılaşmaya çıxıb.
İlk "üçlüy"ü Mateuş Koxalski qapayır. "Qarabağ"ın polşalı qapıçısı 11 matçdan "0"la ayrılıb. Amma çempion qolkiper liderlərdən az – cəmi 17 oyunda iştirak edib.
Qeyd edək ki, bu üç qapıçıdan başqa yalnız İvan Konovalovun quru oyunları ikiərəqəmli ədədlə ifadə olunur. "Turan Tovuz"un legioneri 22 matçda 10 dəfə qapısını toxunulmaz saxlayıb.
Vüqar Xeyrullayev
İdman.biz
