Sport24.az
Misli Premyer Liqasının ümumi bazar dəyəri qalxıb. Sport24.az "Transfermarkt" portalına istinadən xəbər verir ki, çempionatda çıxış edən oyunçuların ümumi qiymətində 5.7 faiz artım olub.
Turnirdəki oyunçuların dəyəri 102.3 milyon avrodan 107.85 milyon avroya çatıb.
Həmişəki kimi siyahıya "Qarabağ" başçılıq edir. Ağdam təmsilçisinin oyunçularının ümumi dəyəri 7.2 faiz artaraq 22.25 milyon avro təşkil edir.
İkinci pillədə 13.60 milyon avro ilə "Zirə" (8.6 faiz artım) qərarlaşıb.
İlk "3-lüy"ü 12.75 milyon avro ilə "Sabah" (2.4 faiz artım) qapayır.
Dördüncü sıradakı "Neftçi"nin heyətinin bazar dəyəri 11.13 milyon avrodan 9.75 milyon avroya düşüb. Bu isə 12.4 faiz eniş deməkdir.
Növbəti mövqelərdə "Turan Tovuz" (9.7 miıyon avro, 7.2 faiz artım), "Araz-Naxçıvan" (9.48 milyon avro, 14.8 faiz artım), "Sumqayıt" (9,23 milyon avro, 7.5 faiz eniş), "Kəpəz" (7,13 milyon avro, 13.1 faiz artım), "Şamaxı" (6, 98 milyon avro, 44.6 faiz artım), "Səbail" (5.4 milyon avro, 2.4 faiz artım) qərarlaşıblar.
Qeyd edək ki, bu, iyunun 1-ə olan göstəricidir.
