Sport24.az
Misli Premyer Liqasında 2024/2025 mövsümünə yekun vurulub. Sport24.az çempionatla bağlı daha bir araşdırma aparıb.
Altı futbolçu başa çatan mövsümdə penaltidən yararlana bilməyib. "Turan Tovuz"un legioneri Kristian Da Silva iki dəfə 11 metrlik cərimə zərbəsini boşa verib. 11-ci turda onun penaltisini "Kəpəz"in qapıçısı Rojerio Santos dəf edib. 13-cü turda isə "Səbail"in qolkiperi Hüseynəli Quliyev Da Silvanın fərqlənməyinə mane olub.
Bundan əlavə "Sabah"dan Jesse Sekidika 11-ci turda "Neftçi" (qapıçı: Rza Cəfərov) ilə görüşdə, "Səbail"dən Fərid Nəbiyev 11-ci turda "Sumqayıt"la (qapıçı: Mehdi Cənnətov) oyunda, "Kəpəz"dən Luis Paçu 15-ci turda "Şamaxı" (qapıçı: Rikardo Fernandeş) ilə qarşılaşmada, "Sumqayıt"dan Rövlan Muradov 21-ci turda "Araz-Naxçıvan"la (qapıçı: Kristian Avram) dueldə, "Zirə"dən Qismət Alıyev isə 29-cu turda "Qarabağ"la (Mateuş
Koxalski) matçda penalti qola çevirə bilməyib.
Qeyd edək ki, Azərbaycan Premyer Liqasında yeni mövsüm avqustun 15-də başlayacaq.
