Sport24.az
Bu gün keçiriləcək iki oyunla Misli Premyer Liqasında 22-ci tura yekun vurulacaq. Sport24.az xəbər verir ki, hər iki qarşılaşma paytaxtda baş tutacaq.
"Turan Tovuz" "Azersun Arena"da "İmişli"ni qonaq edir. Hazırda 40 xalla turnir cədvəlinin 3-cü pilləsində qərarlaşan nominal meydan sahibləri bu görüşdən 3 xalla ayrılacağı təqdirdə ən yazın izləyicisi "Zirə"dən bir qədər uzaqlaşıb ilk "üçlük"də mövqeyni möhkəmləndirəcək. Qonaqlar qələbə qazanacağı halda isə təhlükəli zonadan bir qədər uzaqlaşaraq, rahat nəfəs ala biləcək.
Qeyd edək ki, qarşılaşmanın srat fiti saat 16:30-da səslənəcək.
Misli Premyer Liqası
II dövrə, XXII tur
16:30. "Turan Tovuz" - "İmişli"
Hakimlər: Fərid Hacıyev, Namiq Hüseynov, Rəhman İmami, Alik Yunusov
VAR: Əli Əliyev
AVAR: Elvin Bayramov
Hakim-inspektor: Ömər Paşayev
AFFA nümayəndəsi: Anar Şixəliyev
Bakı. "Azersun Arena".
