Sport24.az
Misli Premyer Liqasının XVII turunda doqquz cəzalı var. Sport24.az xəbər verir ki, onlardan ikisi baş məşqçi, yeddisi ilə futbolçudur.
"Sumqayıt"ın baş məşqçisi Saşa İliç və "Qəbələ"yə rəhbərlik edən Kaxaber Tsxadadze bu tur texniki zonadan kənar qalacaqlar.
Bundan əlavə, "kimyaçılar"da Nikola Ninkoviçlə Rüstəm Əhmədzadə komandalarına kömək edə bilməyəcəklər.
"Qəbələ"də isə İbrahim Sanqare və Xayme Syerra cəzalıdır.
Bundan əlavə, "Karvan-Yevlax"dan Barker İmami, Araz Abdullayev, "Şamaxı"dan isə Arsen Ağcabəyov ilin ilk rəsmi qarşılaşmasında iştirak etməyəcək.
Qeyd edək ki, XVII tur bu gün "İmişli" - "Araz-Naxçıvan" matçı ilə start götürəcək.
