Idman.biz
Misli Premyer Liqasının 2024/25 mövsümündə ən çox vərəqə alan futbolçular bəlli olub.
İdman.biz xəbər verir ki, ən çox cəzalanan oyunçu Vanderson Melodur.
"Araz-Naxçıvan"ın legioneri 36 turdan 12-də vərəqə alıb. O, 11 matçda sarı, 1 görüşdə ikinci sarıya görə qırmızı vərəqə ilə cəzalanıb.
"Kəpəz"in futbolçusu Dioqo Verdska və həmin vaxt "Şamaxı"da çıxış edən Brahim Konate "lider"dən bir vərəqə geri qalıb. Onların hesabında 10 sarı və bir oyunda iki sarıya görə qırmızı var.
Daha iki futbolçu 10 xəbərdarlıq alıb. Amma onlar qırmızı vərəqə görməyiblər. Bu oyunçular İqor Ribeyro ("Araz-Naxçıvan") və Yuri Matiasdır ("Neftçi").
Qırmızı vərəqələrin öz rekordçusu var. Edvin Kuç iki dəfə meydanı tərk edib. Birbaşa qırmızı vərəqələr alan legioner 7 matçda sarı ilə kifayətlənib.
İdman.biz
