Sport24.az
2025/2026 mövsümündə Misli Premyer Liqasında legioner limitinin ləğvindən sonra yerli futbolçuların çempionatda iştirakı ilə bağlı statistika bəlli olub.
Sport24.az-ın apardığı qısa araşdırmaya əsasən, mövsümün ilk yarısında keçirilən 16 tur ərzində komandaların meydana buraxdığı azərbaycanlı futbolçuların sayı müəyyənləşib.
Statistikaya görə, "Kəpəz" mövsümün ilk 16 turunda ən çox yerli futbolçuya şans verən komanda olub. Gəncə təmsilçisi bu müddətdə 15 azərbaycanlı futbolçunu meydana buraxıb. "Qəbələ" və "Karvan-Yevlax" klubları isə hərəyə 12 yerli futbolçu ilə növbəti pillələrdə qərarlaşıb.
"Araz-Naxçıvan", "Qarabağ" və "İmişli" komandaları mövsümün ilk yarısında hərəyə 10 yerli futbolçuya forma şansı verib. "Şamaxı" və "Sumqayıt" klubları bu göstərici üzrə 11 oyunçu ilə diqqət çəkib.
"Turаn Tovuz"da 9, "Sabah" və "Zirə"də isə hərəyə 8 azərbaycanlı futbolçu meydana çıxıb. Paytaxt təmsilçisi "Neftçi" isə ilk 16 turda 7 yerli futbolçuya şans verən komanda olub.
