Report.az
Misli Premyer Liqasında II turun daha iki oyunu bu gün keçiriləcək.
"Report"un məlumatına görə, günün ilk matçında "Sabah" "Şamaxı"nın qonağı olacaq. Qarşılaşma saat 17:00-da start götürəcək.
Meydan sahibləri ilk turda səfərdə "Neftçi" ilə heç-heçə edib -1:1. "Sabah" - "Qarabağ" oyunu isə təxirə salınmışdı.
Günün ikinci görüşündə "Turan Tovuz" "Araz-Naxçıvan"la üz-üzə gələcək. Matç saat 19:30-da başlayacaq. Tovuz klubu I turda "İmişli"ni məğlub edib - 1:0. Naxçıvan təmsilçisi isə "Zirə" ilə bərabərə qalıb - 1:1.
Misli Premyer Liqası
1-ci dövrə, II tur
24 avqust
17:00. "Şamaxı" – "Sabah"
Hakimlər: Rəşad Əhmədov, Vüsal Məmmədov, Akif Əmirəli, Kamran Əliyev.
VAR: Əliyar Ağayev.
AVAR: Zeynal Zeynalov.
Hakim-inspektor: Ceyhun Haşımov.
AFFA nümayəndəsi: Nəriman Axundov.
Şamaxı şəhər stadionu
19:30. "Turan Tovuz " – "Araz-Naxçıvan"
Hakimlər: Tural Qurbanov, Asiman Əzizli, Rəhman İmami, Əkbər Əhmədov.
VAR: Elçin Məsiyev.
AVAR: Pərvin Talıbov.
Hakim-inspektor: İmanxan Sultani.
AFFA nümayəndəsi: Məmmədəli Məmmədov.
"Azərsun Arena"
Qeyd edək ki, II turun əvvəlki oyunlarında "Neftçi" "İmişli" ilə heç-heçə edib. "Sumqayıt" "Qarabağ"ı (1:0), "Karvan-Yevlax" "Kəpəz"i (3:2) məğlub edib. Tura avqustun 25-də "Qəbələ" - "Zirə" matçı ilə yekun vurulacaq.
