Sport24.az
Misli Premyer Liqasında 2024/2025 mövsümünə yekun vurulub. Sport24.az çempionatın 36 turun ən çox sarı və qırmızı vərəqə almış komandalarla bağlı araşdırma aparıb.
Sarı vərəqələrin sayına görə birinci pillədə "Turan Tovuz" qərarlaşıb. Bölgə təmsilçisinin futbolçuları 77 dəfə bu halla üzləşiblər.
"Sumqayıt" (74) ikinci olubsa, "Şamaxı" və "Araz-Naxçıvan" (hər ikisi 73) 3-4-cü yerləri bölüşdürürlər. Növbəti sıralarda "Kəpəz" (71), "Neftçi" (64), "Səbail" (63), "Sabah" (60), "Zirə" (54) və "Qarabağ" (52) qərarlaşıb.
Qırmızı vərəqələrin sayında isə "Araz-Naxçıvan" liderdir. Naxçıvan təmsilçisinin oyunçuları dörd dəfə meydandan qovulublar. "Sabah" və "Neftçi"də 3, "Qarabağ", "Kəpəz", "Şamaxı", "Sumqayıt" və "Turan Tovuz"da iki belə hal yaşanıb. "Zirə" və "Səbail"də isə bu rəqəm 1-ə bərabərdir.
