Lent.az
"Liverpul"un misirli hücumçusu Məhəmməd Salah mövsümün ən yaxşı futbolçusuna verilən "Qızıl top" mükafatını qazanmaq şanslarını dəyərləndirib.
Lent.az xəbər verir ki, ulduz futbolçu bu barədə danışarkən etirafını da dilə gətirib:
"Bu məndən asılı deyil, amma təbii ki, bir gün xalqım üçün "Qızıl top"u qazanmaq istərdim. Misirin bir kəndindən gələn uşaq üçün "Qızıl top"u xəyal etmək çətindir. Ancaq "Liverpul"a gələndən sonra bunun bir gün baş verə biləcəyini düşünməyə başladım. Amma bu mükafatı qazanmasam, karyeram yenə də uğurlu olacaq.
Yaş müdaxilə edə bilərmi? Mənim cəmi 32 yaşım var. Son illərdə bir neçə qalib 30 yaşlarında olub. Həmçinin, növbəti mövsüm maraqlı olacağını vəd edir, çünki biz "Liverpul" ilə İngiltərə çempionu titulunu qoruyacağıq və Çempionlar Liqasında iştirak edəcəyik. Biz Misirlə də Afrika Millətlər Kubokunda və inşallah, Dünya Kubokunda oynayacağıq".
Salah bu mövsüm bütün turnirlərdə 49 oyun keçirib, 33 qol vurub və 23 məhsuldar ötürmə edib.
