Sport24.az
Misir millisinin yarımmüdafiəçisi Ramazan Sobhi təhsil saxtakarlığında təqsirli bilinib. Sport24.az xəbər verir ki, bu barədə "The Straits Times" nəşri məlumat yayıb.
Sobhi iyul ayında klubu "Piramids"lə Türkiyədəki mövsümöncəsi təlim-məşq toplanışından qayıdarkən rəsmi sənədləri saxtalaşdırmaq və Giza qubernatorluğundakı özəl turizm və qonaqpərvərlik institutunda imtahan vermək üçün başqa bir şəxsdən istifadə etmək ittihamı ilə həbs olunub.
Çərşənbə axşamı, dekabrın 30-da Giza Cinayət Məhkəməsi 28 yaşlı futbolçunu və ikinci təqsirləndirilən şəxsi məcburi əməklə bir il həbs cəzasına məhkum edib. Üçüncü təqsirləndirilən şəxs bəraət alıb, qaçaqda olan dördüncü təqsirləndirilən şəxs isə qiyabi olaraq 10 il həbs cəzasına məhkum edilib.
Həbs cəzasına əlavə olaraq, Sobhi noyabrda İdman Arbitraj Məhkəməsi tərəfindən qüvvədə saxlanılan antidopinq qaydalarını pozduğuna görə dörd illik cəza ilə üzləşə bilər.
Qeyd edək ki, Sobhi Misir millisində 37 oyun keçirib. Yarımmüdafiəçi karyerası ərzində Premyer Liqada "Stok Siti" və "Haddersfild Taun" kimmi komandaların formasını geyinib.
