Sport24.az
Azərbaycan millisinin futbolçusu Mahir Emreli Almaniyanın "Nürnberq" klubunda heyətə geri dönür. Sport24.az yerli mətbuata istinadən xəbər verir ki, bu barədə II Bundesliqa təmsilçisinin baş məşqçisi Miroslav Kloze açıqlama verib.
O, XXVI turda "Qroyter Fyurt"da görüşdə 27 yaşlı hücumçuya şans verə biləcəyini söyləyib:
"Uzun söhbətdən sonra Mahirlə birlikdə qərar verdim. Mən həmişə oyunçunun meydanda 100 faiz gücünü qoymasının tərəfdarıyam. "Preussen Munster"lə (1:0) matç belə qarşılaşma idi. Bu səbəbdən Mahir derbiyə hazırlaşır. Onun məşqlərdə necə təsir bağışlayacağını görəcəyik. Amma mən optimistəm".
Qeyd edək ki, martın 16-da baş tutacaq "Nürnberq" - "Qroyter Fyurt" matçı Bakı vaxtı ilə saat 16:30-da start götürəcək. Emreli II Bundesliqada ilk qolunu mövsümün ilk yarısında məhz bu komandaya vurub.
