Sport24.az
Rumıniya yığma komandasının baş məşqçisi Mirça Luçesku milli komandaları çalışdıran mütəxəssislər arasında ən yaşlı məşqçi olub. Sport24.az xəbər verir ki, sentyabrın 5-də onun komandası yoldaşlıq görüşündə Kanadaya 0:3 hesabı ilə yenilib.
Oyun zamanı Luçesku 80 yaş, bir ay yeddi günlük idi. Rumıniyalı mütəxəssis bununla da 1997-ci ildə Uruqvay millisinə rəhbərlik etmiş Roke Maspoliyə məxsus rekordu təzələyib. Uruqvayın Ekvadoru 5:3 hesabı ilə məğlub etdiyi matçda Maspolinin 80 yaşı, 1 ay 4 günlük olub.
Qeyd edək ki, Rumıniya millisi növbəti oyununu sentyabrın 9-da Kipr millisinə qarşı keçirəcək.
